තෙදින් ඇදි එන නිල්වන් දිය කඳ
කඳු මඬලේ සිට තරග නැගී
මිහි ගැබ තුරුලේ නිදන් වු මිණිකැට
සඟවා ගෙන සයුරට දිව යයි
දිගාමඩුලූ රන් කෙත් යායෙන් එන
රන් දහඩිය පොළොවට එක් වී
පරඬැල් පතුරුද දළු ලන මේ බිම
පියමන් කර දිය කඳ දිව යයි
බූටෑවේ රණ හඬ වියැකුණු මුත්
තේජස තවමත් සිතට දැනේ
ඒ සවිබල දිය කඳට පණ පොවා
ඉවුරු තලා මහවැලිය ගලයි
නුවර වැවේ තාවුල්ලේ හිඳ ඈ
හෙලූ කඳුළු වතුරට මුසුවී
ඒ කඳුළේ අදිටනින් එක් වැ හිඳ
බාධක මැඬගෙන යන ගමනයි
(2006)
No comments:
Post a Comment