Saturday, March 21, 2009

නින්නාද ගීතය

නින්නාදය වනාහි කොළඹ වෛද්‍ය පීඨයෙහි කලා හැකියාවන් එළිදක්වන රඟ මඬලයි. රටෙහි වූ බියකරු තත්ත්වයන් හමුවෙහි වසර 1999, එනම්, නින්නාදයෙහි සතරවන දිගහැරුම අපට අහිමි විය. සියළුම කටයුතු නිමවා තිබූ, කිසි දින දිග නොහැරි, නින්නාදයේ පිළිගැනීමේ ගීතය මෙලෙසින් මා අතින් ලියැවිණි.


අඬසඳ සුදිලෙන පසුයම් වේලෙක
සරස්වතිය වැඩ හිඳිනා මේ බිම
දූ දරු කැලගෙන් ඔබහට පුද දෙන
නින්නාදය සවනට ගෙන එන්නා


එකසිය විසිවස් කල් පැවතීලා
ජීවක කුලයට උපත සදාලා
ඔද්දල් ජීවිත පණ ගැන්වූ ලෙස
ඔද්දල් සිත් යළි පණ පොවමු


සත්සර හඬවන නව නළු නාටක
ගිගිරි ගීතයෙන් සරසන්නේ
නුදුටු විරාමය දෙනෙත පාන්නට
නින්නාදය මෙලෙසින් ඇරුඹේ
(1999)

No comments:

Post a Comment

කවිඳිය හා කවිය

මල් මුතු දමක් සේ ගැලපෙන සුමුද වදන් පත් ඉරුවක ලියා කවියක හැඩය අරන් එළිවැට එළි සමය දෙපසින් එකට අරන් පද වැල් ගොතා ඇත රස හව් තුරුලු කරන් සක්කා ප...