Pages

Saturday, March 21, 2009

පොරොන්දුව

සුසුම් රළ රැලි ගැටෙන වෙරළේ
පහන් ටැඹ ලෙස ළඟින් ඉන්නම්
නැගෙන සුසුමන් මහද සඟවා 
සිනා පොකුරක් නුඹට දෙන්නම්


ලොවේ ගැරහුම් සැඩ කිරණ මැද
වන වදුලක් ලෙස පලූපත් බරවුණ
නැගෙන දාහෙන් මහද තවලා
සහන් සිසිලස නුඹට දෙන්නම්


කඳුළු වැස්සක් වැටෙන මොහොතේ
නවාතැන් පොළ ලෙසට ඉන්නම්
කඳුළු වැස්සෙන් මහද නහවා
මල් වැස්සක් නුඹ හට දෙන්නම්
(2006)

No comments:

Post a Comment